Уәлиханов аудандық ауруханасында «Денсаулық мектебі» жобасы шеңберінде кезекті дәріс өтті. Кездесу тақырыбы «Артериялық гипертензия» болды.

Дәрісті жалпы тәжірибелік дәрігер Наурызбай Хасенов жүргізді. Ол қатысушыларға ауруды емдеудің қазіргі тәсілдері туралы айтып, дәрі-дәрмектерді дұрыс қабылдау ережелеріне тоқталды. Сонымен қатар, қан қысымын бақылау үшін тонометрді дұрыс пайдалануды үйретті. Арнайы назар гипертензия кезінде дұрыс тамақтану және диета сақтау мәселелеріне аударылды.

Іс-шараға ауруханаға келген тұрғындар да, стационарда ем алып жатқан науқастар да қатысты.