Солтүстік Қазақстан облысының әкімі Ғауез Нұрмұхамбетов маңызды инфрақұрылымдық жобалардың жүзеге асырылу барысын тексеру мақсатында Уәлиханов ауданында жұмыс сапарымен болды.

Сапар барысында әкім Кішкенекөл ауылында салынып жатқан емхана мен Ақтуесай ауылында салынып жатқан фельдшерлік-акушерлік пунктке барды.

Ғауез Тоқсанұлы құрылысты уақытылы аяқтаудың маңыздылығына тоқталып, жауаптыларға жаңа медициналық мекемелердің аудан тұрғындарына тезірек қызмет көрсете бастауы үшін жобалардың жүзеге асырылуын бақылауды күшейтуді тапсырды.