Енді МӘМС жүйесіне бес жыл бойы тұрақты төлем жасаған адамның сақтандырылған мәртебесі 6 айға дейін сақталады. Бұл туралы ҚР Денсаулық сақтау министрлігі МӘМС жүйесін жетілдіру және талдау департаментінің директоры Ляззат Шоманова Орталық коммуникациялар қызметіндегі баспасөз конференциясында хабарлады.
«МӘМС жүйесіне қатысудың тұрақтылығын арттыру мақсатында маңызды норма енгізілді. Егер адам бес жыл үздіксіз жарна төлесе, қандай да себеппен төлем жасалмаған жағдайда оның мәртебесі бұрынғы 3 айдың орнына 6 айға дейін сақталады», — деп түсіндірді спикер.
Оның айтуынша, бұл норма тұрақты түрде жүйеге қатысып келген, бірақ уақытша қиындыққа тап болған азаматтарды қолдауға мүмкіндік береді.
Сонымен бірге, заңнамаға ашықтықты арттыруға бағытталған өзгерістер енгізілді:
- Медициналық ұйымдар мен Қордың қызметі ашық әрі есеп беруге міндетті болады;
- Медициналық және фармацевтикалық бақылау комитетіне қадағалау құзыреті берілді. Олар арнайы құжатсыз медициналық қызмет көрсетуді анықтаса, бірден тоқтата алады.
Бұл өзгерістер халықтың медициналық сақтандыру жүйесіне деген сенімін нығайтуға және қатысу шарттарын әділ етуге бағытталған.
3
Қараулар: 26
