Жыл сайын 24 наурыз күні Дүниежүзілік туберкулезге қарсы күрес күні атап өтіледі. Бұл дата қоғам назарын аурудың алдын алу, оны ерте анықтау және дер кезінде емдеу мәселелеріне аударуға бағытталған.

Осы күн қарсаңында Уәлиханов аудандық ауруханасы тақырыптық іс-шаралар ұйымдастырып жатыр. Бұған дейін Ашық есік күні өткізіліп, оның аясында тұрғындар флюорографиялық тексеруден өтіп, мамандардан кеңес алу мүмкіндігіне ие болды. Сонымен қатар ауданның медицина қызметкерлеріне арналған семинарлар өткізіліп, ауруға қатысты сақтықты күшейту және оны ерте анықтау бойынша білімдерін жетілдіру мәселелері қарастырылды.

Сонымен қатар ауданның білім беру ұйымдарында — мектептер мен балабақшаларда «Туберкулез» тақырыбында диктанттар өткізілді. Іс-шара барысында балалар мен ересектерге аурудың алдын алудың маңыздылығы және денсаулықты сақтау туралы түсіндірілді. Сонымен қатар, қатысушылар шығармашылық тапсырмаларға қатысып, туберкулезбен күрес және салауатты өмір салты тақырыбына арналған суреттер дайындады.