Бүгін біз МӘМС-ке жарналар мен аударымдарды төлеу тәртібіне арналған жарияланымдар сериясын бастаймыз. «Кім төлеуі керек?», «Қанша төленеді?», «Жұмыс істемесем не болады?» деген сұрақтар жиі қойылады — алдағы күндері осының бәрін кезең-кезеңімен түсіндіреміз.

Алдымен МӘМС қоры қалай қалыптасатынын айтайық. Жүйе үш тараптың ай сайынғы төлемдері есебінен жұмыс істейді.

2025 жылғы мөлшерлемелер:
🔹Жұмыс беруші — жалақыдан 3%;
🔹Қызметкер — өз табысынан 2%;
🔹Мемлекет — 15 жеңілдік санаты үшін 2% (балалар, жүкті әйелдер, көпбалалы аналар, мүгедектігі бар тұлғалар және т.б.).

Осы жарналар медициналық көмектің кең көлемін барлық азаматтарға қолжетімді етеді.