28 мамыр күні Уәлиханов аудандық ауруханасының балалар консультациясында алдағы Халықаралық балаларды қорғау күніне орай Ашық есік күні өтеді.

Сағат 11:00-ден бастап ата-аналарды балаларымен бірге балалар консультациясына келіп, мамандардың кеңесін алуға шақырамыз. Қабылдауды стоматолог, психолог, ЛОР дәрігері және педиатр жүргізеді.

Сондай-ақ бұл күні балалар консультациясына «Күншуақ» балабақшасының тәрбиеленушілері қонаққа шақырылып, олар үшін экскурсия және медицина мамандарының жұмысымен таныстыру ұйымдастырылады.

Сіздерді қуана қарсы аламыз! Балалардың денсаулығын бірге қорғайық.