Уәлиханов аудандық ауруханасында ауылдық фельдшерлер мен учаскелік жалпы практика дәрігерлеріне арналған бруцеллездің алдын алу, ерте анықтау және індетке қарсы іс-шараларды жүргізу мәселелеріне арналған семинар өтті.

Семинар барысында аурудың клиникалық белгілері, инфекцияның жұғу жолдары, диагностика, емдеу және алдын алудың заманауи тәсілдері, сондай-ақ індетке қарсы іс-шараларды ұйымдастыру тәртібі қарастырылды. Қазақстан Республикасы Денсаулық сақтау министрлігі бекіткен қолданыстағы санитариялық қағидалар мен бруцеллезді диагностикалау және емдеу жөніндегі клиникалық хаттама талаптарын сақтауға ерекше назар аударылды.

Семинарды дәрігер-эпидемиолог Ғаббасова Альмира Бақытқызы өткізді. Ол қатысушылардың сұрақтарына жауап беріп, бруцеллез жағдайлары анықталған кезде медицина қызметкерлерінің атқаратын жұмысының практикалық қырларын түсіндірді.