Ауыл шаруашылығы колледжінде студенттерге арналған туберкулез, оны ерте анықтау және аурудың алдын алу шаралары тақырыбында профилактикалық дәріс өткізілді.

Кездесу барысында медицина қызметкерлері инфекцияның жұғу жолдары, алғашқы белгілері, дер кезінде медициналық көмекке жүгінудің маңыздылығы, сондай-ақ флюорографияны қоса алғанда, тұрақты тексерулердің қажеттілігі туралы айтып өтті. Сонымен қатар жеке гигиена сақтау және иммунитетті нығайту мәселелеріне ерекше назар аударылды.

Студенттерге денсаулықты сақтау бойынша ұсыныстар беріліп, туберкулездің алдын алуға жауапкершілікпен қараудың маңыздылығы түсіндірілді.