Құтқарушылар күніне арналған мерекелік шараға Уәлиханов аудандық ауруханасының бас дәрігері Лилия Федотова қатысты.

Шара аясында аудан әкімі Мұрат Абдулов қызметкерлерді кәсіби мерекелерімен құттықтап, олардың қауіпсіздікті қамтамасыз етуге қосқан үлестерін атап өтті. Төтенше жағдайлар департаментінің бастығы Азамат Жәкенов те кәсіпке адалдық танытып, әрқашан көмекке келуге дайын болған әріптестеріне алғысын білдірді.

Төтенше жағдайлар бөлімінің және аудандық өрт сөндіру бөлімінің қызметкерлері, сондай-ақ құтқару қызметінің ардагерлері құрмет грамоталарымен және алғыс хаттармен марапатталды.

Барлық құтқарушыларға мереке құтты болсын! Сіздерге зор денсаулық, бақ-береке және кәсіби қызметте табыс тілейміз!