АПВ-ға қарсы вакциналау: ата-аналар мен балалар нені білуі тиіс.

Уәлиханов аудандық ауруханасының акушер-гинекологы Ардақ Әпсеметова адам папилломавирусына (АПВ) қарсы вакциналау тақырыбына арналған екі маңызды кездесу өткізді.

11 желтоқсан күні №2 Кішкенекөл орта мектебінде ата-аналар жиналысы өтті. 13 желтоқсан күні Ардақ Қыбырайқызы Кішкенекөл қазақ мектеп-гимназиясының оқушыларымен кездесті.

Екі кездесуде де маман келесі аспектілерді түсіндірді:
- АПВ дегеніміз не, оның берілу жолдары;
- Вирус қаншалықты қауіпті және неге назар аударуды қажет етеді;
- Вакцина қатерлі ісіктің даму қаупін қалай азайтады;
- Мифтер мен шындық: вакцина репродуктивті функциясына әсер етуі немесе ауру тудыруы мүмкін бе;
- Қазақстанда қандай вакцина қолданылады.

Осындай кездесулер ата-аналар мен жасөспірімдерге сенімді ақпарат алуға, күмәнді сейілтуге және денсаулық пен алдын алу мәселелеріне саналы түрде қарауға көмектеседі.

Уәлиханов аудандық ауруханасы денсаулық пен профилактика мәселелеріне белсенді атсалысып жүрген барлық азаматтарға алғыс білдіреді!